ازاى نعرف ان ربنا بيحبنا وراضى عنا؟؟؟

الحمد لله والصلاة السلام على رسول الله سيدنا محمد وعلى آله وصحبه ومن اهتدى بهداه.....
نفسك تعرفى ربنا بيحبك وراضى عنك

لما يعينك على الطاعه
...
كدا يبقى بيحبك

لما يحبب ليكى النوافل اللى تقربك اكتر للجنة

لما تبقى نايمه وتقومى تصلى الفجر لوحدك من غير منبه

لما تبقى مكسله تصلى القيام وتلاقى نفسك قمتى بنشاط وصليتى

لما تقرأى القرأن تلاقيكى حاسه كل حرف

لما تسمعى شيخ بيدعى دموعك تنزل من خشية الله

لما تلاقى اللى حواليكى دايما ياخدوا باديكى للطاعات

لما تلاقى صاحبتك بتذكرك فى دعوه حلوه
وتقولك جيتى على بالى فجأه ودعتلك

لما تبقى حزينة ومهمومة وربنا يقف جمبك ويعينك فهو نعم للمعين

يااااااااااااااااه لو بتحسى بدا كله
أبشرى فان الله راضى عنك

نفسى ربنا يرضى عنى
وانت نفسك ربنا يرضى عنك
وانتى اختى نفسك ربنا يرضى عنك

ابدأى بالطاعات واكثرى منها
نشوف اللى فى حياتنا غلط نصلحه


نبقى صريحين مع نفسنا
غيروا انفسكم بانفسكم

واجه نفسك ولو لمره وقول فين الغلط وفين الصح

ودلوقتى افتح صفحة جديدة وابدأها بركعتين قيام
ومعاهم 3 ركعات الوتر ش
ولا تنسونى من صالح دعاؤكم


"وأعوذ بالله أن أكون جسرا تعبرون به الى الجنة ويلقى به فى نار جهنم "


قال تعالى: إِنَّمَا يُؤْمِنُ بِآيَاتِنَا الَّذِينَ إِذَا ذُكِّرُوا بِهَا خَرُّوا سُجَّدًا وَسَبَّحُوا بِحَمْدِ رَبِّهِمْ وَهُمْ لَا يَسْتَكْبِرُونَ* تَتَجَافَى جُنُوبُهُمْ عَنِ الْمَضَاجِعِ يَدْعُون َرَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ *فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ [السجدة، الآيات: 15-17]